XƏBƏRLƏR
06.05.2021
Istanbul
TK-326 reysi 15.05.2021-ci il tarixindən 30.10.2021-ci il tarixinədək həftənin şənbə günləri yerinə yetiriləcəkdir.
İstanbul qalxacaq: 06:35;
Gəncə enəcək: 08:50;
Gəncə qalxacaq: 09:35;
Naxçıvan enəcək: 10:25;
Naxçıvan qalxacaq: 11:15;
İstanbul enəcək: 14:00.
TK-328 reysi 18.05.2021-ci il tarixdən 26.10.2021-ci il tarixədək həftənin çərşənbə axşamı günləri yerinə yetiriləcəkdir:
İstanbul qalxacaq: 08:40;
Naxçıvan enəcək: 10:55;
Naxçıvan qalxacaq: 11:40;
Gəncə enəcək: 12:30;
Gəncə qalxacaq: 13:20;
İstanbul enəcək: 16:00.
29.04.2021
Moskva
Naxçıvan- Moskva reysi 03.05.2021-ci il tarixdən bərpa olunur.
Uçuşlar hər həftənin bazar ertəsi 14:30 -da həyata keçiriləcək.
30.01.2019
Şahbuz Aviakassası
Şahbuz şəhərində yeni Aviakassa binası istifadəyə verilmişdir
Naxçıvan Muxtar Respublikasında nəqliyyat infrastrukturunun inkişafı sahəsində davamlı tədbirlər həyata keçirilməkdədir. Bu istiqamətdə Naxçıvan Beynəlxalq Hava Limanında keyfiyyətcə yeni mərhələnin əsasları yaradılmışdır. Belə ki, burada xidmət səviyyəsinin yüksəldilməsi, uçuşların təhlükəsizliyinin artırılması və maddi-texniki təminatın gücləndirilməsi müasir dövrün tələblərinə tamamilə uyğunlaşdırılmışdır. Müvafiq sahə üzrə islahatların və innovativ inkişafın nəticələrindən səmərəli şəkildə istifadə olunması xidmətimizdən yararlanan sərnişinlərin rahatlığına hesablanmışdır.
Yanvar ayının 30-da Şahbuz şəhərində müasir memarlıq üslubunda Aviakassanın istifadyə verilməsi həmin tədbirlərin tərkib hissəsidir.
Binanın ümumi sahəsi 410 kvadratmetrdir. Birinci mərtəbə sərnişinlər üçün 104 kvadratmetrlik gözləmə zalından, kassalardan, təhlükəsizlik və texniki otaqlardan ibarətdir. Aviakassada enerji sisteminin tənzimlənməsi məqsədilə 1 ədəd 15 kilovoltamper gücündə statik tənzimləyici, 1 ədəd 10 kilovoltamper gücündə alternativ enerji mənbəyi avadanlıqları quraşdırılmışdır.
Bilet satış kassalarına 3 ədəd kompüter dəsti, server üçün 2 ədəd kompüter kassası, şəbəkəpaylayıcı, 2 ədəd printer avadanlığı, sərnişinlər üçün 1 dəst sensorlu növbə aparatı, 1 ədəd POS-terminal quraşdırılmış və istifadəyə tam hazır vəziyyətdədir.
Təhlükəsizliyin təmin olunması üçün binada 7 kamera, 1 ədəd 16 kanallı şəbəkə videoqeydiyyatçı, 1 televizor quraşdırılmışdır.
Aviakassanın ikinci mərtəbəsində isə 3 xidmət otağı və bufet yerləşir.
Binaya sürətli internet xətti çəkilmiş, fərdi istilik sistemi və mərkəzi soyutma sistemi ilə təchiz olunmuş, yanğına qarşı dedektorlar quraşdırılmışdır.
Aviakassa həm daxildən, həm də xaricdən müasir işıqlandırma sistemi ilə təmin edilmişdir. Binanın daxilinə sərnişinlərin rahatlığı üçün oturacaqlar quraşdırılmış və xüsusi dizaynla hazırlanmış mebel dəstləri yerləşdirilmişdir.
Yeni yaradılmış aviakassada 9 nəfər işlə təmin olunmuşdur.
01.12.2015
Naxçıvan Beynəlxalq Hava Limanının "Şərq Terminalı" ilə tanışlıq
Naxçıvan Beynəlxalq Hava limanının mövcud aerovağzal binasının yenidənqurulmasının tikintisi üzrə layihə tapşırığına uyğun “Şərq Terminalı”da görülmüş işlər başa çatdırılmışdır. Aerovağzal kompleksinin yenidən qurulması işləri çərçivəsində birinci korpusun istismara hazırlanması zamanı İKAO-nun norma və tələblərinə cavab verən, Azərbaycan Respublikasında istifadəsinə icazə verilmiş ən müasir texnologiyalardan, uçuşların təhlükəsizliyini təmin edən avadanlıqlardan istifadə olunmuşdur.Terminal binasının əsas korpusuna birləşdirilən keçid körpüləri, teleskopik sərnişin trapları, 2 ədəd eskalator, 1 ədəd 800 kq-lıq,1 ədəd isə 675 kq-lıq əlil və hərəkət məhdudiyyəti zəif olan sərnişinlər üçün lift avadanlıqları, yeni baqaj konveeri, ana və uşaq otağı, tibb məntəqəsi və.s bu kimi vacib xidmətləri özündə birləşdirən yüksək interyerlə bəzədilmiş terminalın birinci və ikinci mərtəbələri sərnişinlərin ixtiyarına verilmişdir. Dekabrın 1-də Azərbaycan Respublikasının Prezidenti Cənab İlham Əliyev Naxçıvan Beynəlxalq Hava Limanının “Şərq Terminalı” ilə tanış oldu. Naxçıvan Muxtar Respublikasının Ali Məclisinin Sədri cənab Vasif Talıbov dövlətimizin başçısına terminalın texniki göstəriciləri barədə məlumat verdi. Ümumiyyətlə sərnişinlərin rahatlığı üçün terminalda bütün zəruri tədbirlər görülüb. Bütün bu yeniliklər hava limanının sərnişin və yük daşınma dövriyyəsini 2 dəfədən çox artıraraq saatda 150-200 nəfərdən 450-500 nəfərə çatdırılmasını təmin edəcəkdir.
